نوشہرہ سون سکیسر(رپورٹ ملک زاہد فاروق اعوان)تاجدارِ ختمِ نبوت حضرت محمد صلی اللہ علیہ وآلہ وسلم کے 14ویں ماہانہ پروگرام میں آن لائن تقریری مقابلوں میں حصہ لینے والے بچوں کے اعزاز میں جامع مسجد قاضیانوالی برہان ٹاؤن جوہرآباد میں ایک تقسیم انعامات کی تقریب کا انعقاد ہوا۔ تقریری مقابلوں میں فسٹ پوزیشن ہولڈر احمد علی کو پانچ ہزار روپے نقدبمعہ ٹرافی، سیکنڈ پوزیشن پر آنے والے محمد حسان رضا کو تین ہزار روپے نقدبمعہ ٹرافی اور تھرڈ پوزیشن لینے والی بچی ثناء ظفر کودو ہزار روپے نقدبمعہ ٹرافی انعامات دئیے گئے۔تقریری مقابلوں میں حصہ لینے والے دیگر بچوں کو ٹرافیاں انعامات دی گئیں۔14ویں ماہانہ پروگرام میں کُل 28بچوں نے حصہ لیا۔تقریب کا باقاعدہ آغازتلاوتِ قُرآن پاک سے ہوا۔ تلاوت قرآنِ پاک قاری بلال ہاشمی، نقابت کے فرائض علامہ حسن بندیالوی،نعت خوانی قاری صلاحُ الدین جبکہ علامہ حبیب الرحمان نے ختم نبوت حضرت محمد صلی اللہ علیہ وآلہ وسلم کے موضوع پر خطاب کیا۔ختمِ نبوتﷺ کے موضوع پر تقریری مقابلوں کا پروگرام سعودی عرب و جوہرآباد گروپ کی جانب سے ماہانہ بنیاد پر کروایا جاتا ہے، جس کا مقصد قادیانیت کی بڑھتی ہوئی سرگرمیوں کا تدارک کرنا اور اپنے پیارے نبی ﷺکی تعلیمات اور اُن کی محبت کو بچوں کے دِلوں میں روشن کرنا ہے۔
203
