شہادت مولا علی ؑکےحوالہ سے پاسبان ویلفیئر سوسائٹی کی جانب سے افطار ڈنر

نوشہرہ سون سکیسر(رپورٹ ملک زاہد فاروق اعوان)شہادت مولا علی ؑکےحوالہ سے پاسبان ویلفیئر سوسائٹی ضلع خوشاب کے افطار ڈنر سے نیو اتحادٹریولز کے ایم ڈی ملک عمر دراز جوئیہ،صوبائی نائب صدر مسلم لیگ ق ملک محمد الیاس اعوان، صدر پاسبان شکیل احمد چوہدری نے خطاب کرتے ہوئے کہا کہ محسن انسانیت حضرت محمد ؐ کا فرمان ہے کہ ”میں علم کا شہر ہوں اور علی ؑ علم کادروازہ ہیں“ مقام غدیر پر حضرت محمد ؐنے صحابہ کرام کے بہت بڑے اجتماع میں مولا علی ؑ کا ہاتھ پکڑ کر فرمایا کہ ”جن کا میں مولا، ان کا یہ علی ؑ مولا“۔ اللہ تعالیٰ ہم سب کو مولا علی ؑ کی نسبت عقیدت سے نوازے اور ان کی تعلیمات پر عمل کرنے کی توفیق عطا فرمائے۔ اللہ رب العزت نے ہمیں اپنے گناہوں کی معافی اور دوزخ سے نجات کیلئے نیکیوں کا موسم بہار رمضان المبارک کا عظیم مہینہ عطا فرمایا ہے، اس ماہ مقدس میں ہمیں اللہ رب العزت کو راضی کرنا ہے۔ افطار ڈنر میں سابق اسسٹنٹ ایجوکیشن آفیسر سید سجاد حیدر شاہ ہمدانی، نائب صدر پاسبان ملک مہتاب حسن جوئیہ، پرنسپل الحسین ماڈل اکیڈمی حاجی احمد حسین ملک، سینئر اساتذہ کرام محمد قاسم گجر، کوکب عمران حیدر،پی ٹی حق نواز، پی ٹی ملک نوید، لیاقت جوئیہ، محمد اقبال،شیراز اکبر،حسنین مہدی و دیگر نے شرکت کی۔