پٹرولنگ پولیس خالق آباد،جابہ کی جرائم پیشہ افراد کے خلاف کاروائیاں

نوشہرہ سون سکیسر(ملک زاہد فاروق اعوان سے)خالق آباد اور جابہ پٹرولنگ پولیس کی جرائم پیشہ عناصر کے خلاف کاروائیاں جاری ہیں تفصیل کے مطابق ڈی ایس پی پٹرولنگ غلام مجتبی کی ہدایت پرانچارج پٹرولنگ پولیس جابہ سب انسپکٹر حاجی صفی اللہ،ملک ربنواز اور خاور عباس سکنائے تلہ گنگ سے ناجائز پسٹل 9mmبمعہ گولیاں برآمد کر کے دونوں ملزمان کیخلاف تھانہ نوشہرہ میں الگ الگ مقدمات درج کروا دئیے خالق آباد پٹرولنگ پوسٹ کے انچارج سب انسپکٹر ملک اسلم حیات اعوان نے دوران گشت چیکنگ کے دوران محمد حسنین سکنہ جوہر آباد سےاعلی کوالٹی کی 15لیٹر شراب اورہیڈ کانسٹیبل زاہدعمران نے دوران چیکنگ بلاول حسین سکنہ چک نمبر51MB سے 15لیٹرشراب جبکہ ہیڈ کانسٹیبل آغاحسین نے کاشان احمد سے دوبوتل ولایتی شراب برآمد کر لی ملزمان کے خلاف تھانہ صدر جوہرآباد میں علیحدہ علیحدہ مقدمات درج کروا دیئے اور دوران چیکنگ عدالتی مفرور تھانہ جوڑا کلاں کو مطلوب طاہر اقبال عدالتی مفرور کو متعلقہ تھانے کے حوالے کردیا۔