عرصہ دراز سے سرگودھا بار میں خدمات انجام دے رہا ہوں،سید محسن رضا شاہ شیرازی

نوشہرہ سون سکیسر(ملک زاہد فاروق اعوان سے)ڈسٹرکٹ بارسرگودھاکے سالانہ انتخابات کے لیے امیدواروں نے ووٹرزسےرابطہ مہم شروع کر دی ہے اس سلسلہ میں امیدواربرائے صدرڈسٹرکٹ بارسرگودھا سیدمحسن رضا شاہ شیرازی نے اپنی حمایت کے اعلان پر وکلاءکاشکریہ ادا کرتے ہوئے کہا کہ وکلاءبرادری کی فلاح و بہبود اور انکے درپیش انفرادی واجتماعی مسائل کے حل کی خاطر کوئی کسراٹھا نہ رکھی جائے گی عرصہ دراز سے سرگودھا بار میں خدمات انجام دے رہا ہوں میں نے ہمیشہ وکلاءبرادری کے ساتھ مل کر کالے کوٹ اور آئین وقانون کی عزت میں اضافے کیلئے کا م کیا ہے انہوں نے کہا کہ وکلاء نے ہمیشہ آئین و قانون کی بالادستی کیلئے جدوجہد کی ہے ملک میں جمہوریت کی مضبوطی اور اداروں کے استحکام کیلئے وکلاء کا کردار ہمیشہ اہم رہا ہے انہوں نے اپنی حمایت کرنے پرتمام وکلاء برادری کاشکریہ ادا کیا۔