نوشہرہ سون سکیسر(ملک زاہد فاروق اعوان سے)صدر تنظیم الاعوان پاکستان،سابق وفاقی سیکرٹری ملک طاہر سرفراز اعوان نے موضع پدھراڑ میں سینئر نائب صدر مسلم لیگ ن ملک عزیز مستیال اعوان کی جانب سے جشن آزادی کے سلسلہ میں کیک کاٹنے کی تقریب سے خطاب کرتے ہوئے کہا کہ زندہ قومیں جشن آزادی کے تہوار کو جوش و جذبے سے مناتی ہیں پاکستانی قوم لاکھوں شہادتوں کی بدولت ملنے والی آزادی کو کبھی فراموش نہیں کرسکتی شاعر مشرق ڈاکٹر علامہ محمد اقبال نے پاکستان کی آزادی کا خواب دیکھا اور اپنی شاعری کے ذریعے سوئے ہوئے مسلمانوں کو جگایا اس کی تعبیر بانی پاکستان قائد اعظم محمد علی جناح نے کی انہوں نے کہا کہ آج 76ویں یوم آزادی کے موقع پر ہمیں تجدید عہد کرنا ہے کہ ملک پاکستان کو جس مقصد کے لیے حاصل کیا تھا اس کی تکمیل کے لئے ہم کسی قربانی سے گریز نہیں کریں گے آخر میں شہید ہونے والے مسلمانوں اور ملک پاکستان کی سالمیت اور بقا کے لئے دعائیں مانگی گئیں۔
291
