نوشہرہ سون سکیسر(ملک زاہد فاروق اعوان سے )خوشاب پولیس نے موٹرسائیکل چوری کی وارداتوں میں ملوث شنو گینگ کو گرفتار کرکے مسروقہ موٹر سائیکلز برآمد کرلئے تفصیل کے مطابق شائستہ ندیم ڈی پی او خوشاب کی ہدایت پر خوشاب اورگردونواح میں موٹرسائیکل چوری کی وارداتوں میں ملوث ملزمان کی گرفتاری کے لیے ایس ایچ او خوشاب انسپکٹر خالد الرحمن کی سربراہی میں بنائی جانے والی ٹیم کی کامیاب کاروائی کی سب انسپکٹر رانا مجاہد خورشید نے اپنی ٹیم کے ہمراہ شب وروز محنت اور کوششوں کے بعد ذیل 02 ملزمان محمد ذیشان عرف شنو سکنہ رسول آباد اور کامران حیدر سکنہ جلال پور سیداں پرمشتمل شنوگینگ کو ٹیکنیکل بنیادوں پر کام کرتے ہو ئے گرفتارکرلیاملزمان کے قبضہ سے 04 عدد چوری شدہ موٹر سائیکل اور 03 مسروقہ موٹرسائیکلز کی رقم ایک لاکھ چوبیس ہزاربرآمد کر لی ڈی پی او خوشاب نے ملزمان کی گرفتاری پر پوری ٹیم کو تعریفی اسناد اور نقد انعام سے نوازا۔
427
