بچوں کی تفریح کے لیے جوائے لینڈ پارک کا افتتاح ایم ڈی نیو اتحاد ٹریولز ملک عمر دراز جوئیہ نے کردیا

نوشہرہ سون سکیسر(ملک زاہد فاروق اعوان سے)ضلعی صدر مقام جوہر آباد میں بچوں کی تفریح کے لیے جوائے لینڈ پارک کا افتتاح ایم ڈی نیو اتحاد ٹریولز ملک عمر دراز جوئیہ،سابق جنرل سیکرٹری بار ملک رضوان جمالی، پی ٹی آئی سینئر نائب صدر اکرام اللہ خان بلوچ اور چوہدری نعیم جٹ نے کیا پارک میں بچوں کے لیے جھولے،پینگیں،کرسی جھولے،جمپنگ پیڈ،سلائیڈنگ سمیت بہت سارے جھولے لگائے گئے ہیں،ملک عمر دراز جوئیہ نے کہا کہ بچوں کی تفریح کے لیے اس طرح کے تفریحی پارک اور خوبصورت جھولوں کا ہونا بہت ضروری ہے اس سے نہ صرف بچے خوش ہوتے ہیں بلکہ انکی جسمانی نشوونما بھی ہوتی ہے جوائے لینڈ کے مالک احتشام خان نے مہمان گرامی کا شاندار استقبال کرتے ہوئے شکریہ ادا کیا اس موقع پر ڈینٹل سپیشلسٹ ڈاکٹر غلام عباس ،ملک قیصر اعوان، رانا راشد محمود، فرحان وڑائچ سمیت دیگر احباب بھی موجود تھے۔