اعلی پولیس حکام کی ہدایت پر ضلع بھر میں وائرلیس کال چلوائی گئی

نوشہرہ سون سکیسر(ملک زاہد فاروق اعوان سے)آئی جی پنجاب عامر ذوالفقار کے ویژن کے مطابق اظہر اکرم آر پی او سرگودھا کی ہدایت پر اسدالرحمن ڈسٹرکٹ پولیس آفیسر خوشاب کی جانب سے ضلع بھر میں وائرلیس کال چلوائی گئی کہ جو بھی افسر و جوان اپنے کسی بھی مسئلہ کے سلسلہ میں پیش ہونا چاہتا ہے وہ معرفت او ایس آئی پیش ہو سکتا ہے جس پر ایک ہیڈکنسٹیبل اور تین کنسٹیبل بغرض تبادلہ پیش ہوئے ڈی پی او خوشاب نے ان کی درخواست پر تبادلہ کے احکامات جاری کیے جبکہ ایک کانسٹیبل جس کی بیٹی کا فاطمہ جناح میڈیکل کالج لاہور میں داخلہ ہوا جس کی رجسٹریشن فیس اور ہوسٹل فیس کے لیے پیسے نہ تھے جس پر ڈی پی او خوشاب نے کنسٹیبل کی بیٹی کی قابلیت کی تعریف کی اور فورا پولیس ویلفیئر سے فیس ادا کرنے کا حکم جاری کیا اسدالرحمن ڈی پی او خوشاب نے کہا کہ محکمہ پولیس ایک فیملی کی مانند ہے اور ایک سربراہ کی حیثیت سے تمام جوانوں کے مسائل کو حل کرنا میری اولین ترجیح ہے انہوں نے مزید کہا کہ آئی جی پنجاب عامر ذوالفقار کے ویژن کے مطابق پولیس ویلفیئر کا یہ سلسلہ جاری رہے گا۔