گورنمنٹ ماڈل ہائی سکول نوشہرہ وادی سون میں سکول کونسل کا اجلاس منعقد ہوا

نوشہرہ سون سکیسر(ملک زاہد فاروق اعوان سے) گورنمنٹ ماڈل ہائی سکول نوشہرہ میں سکول کونسل کا اجلاس زیر صدارت پرنسپل محمد حسن رضا منعقد ہوا جس میں شریک چیئرمین سکول کونسل ملک زاہد فاروق اعوان،میاں محمدسلیم، حاجی قیصر محمود،حاجی ظفر اقبال اور ملک مختار نے شرکت کی پرنسپل سکول محمد حسن رضا نے اراکین کو بتایا کہ WWF کی طرف سے ادارہ ہذا میں Ground Water Recharge Well کی تنصیب کے سلسلہ میں ادارہ سے رابطہ کیا گیا اس پراجیکٹ سے اردگرد کے کے علاقے میں زیر زمین واٹر لیول میں اضافہ ہوگا اور موسم گرما میں پانی کی کمی دور کرنے میں بھی مدد ملے گی اجلاس میں فیصلہ کیا گیا کہ WWF کے اس اقدام کی بھر پور پزیرائی کی جائے گی ادارہ کی طرف سے ان کو ہر قسم کی اخلاقی معاونت فراہم کی جائے گی جبکہ تمام مالی امور کی انجام دہی خود WWF کرے گا اجلاس نے سکول میں ہونے والے ترقیاتی منصوبوں کی کارکردگی کو سراہا اور سکول کی بہتری کے لئے سکول کمیٹی کی کارکردگی کو سراہا گیا ماحولیاتی آلودگی اور سموگ کے خاتمے کو ختم کرنے کی طویل المدت منصوبہ بندی کے حوالے سے سکول کے احاطہ میں پودا لگا کر اس مہم میں شرکت کا اظہار کیا گیا-