یوم تکریم شہدا پاکستان کے موقع پر اے سی نوشہرہ کا شہدا کی قبروں پر حاضری

نوشہرہ سون سکیسر(ملک زاہد فاروق اعوان سے)یوم تکریم شہدا پاکستان کے موقع پر اسسٹنٹ کمشنر عرفان مارٹن کے ہمراہ چیف آفیسر بلدیہ نوشہرہ اشرف گوندل اور دیگرسٹاف نے وادی سون کے نواحی موضع سوڈھی جیوالی میں کیپٹن نصراللہ شہید اور موضع مردوال میں لیفیٹینٹ محمدعباس کی قبر پر حاضری دی اور پھولوں کی چادریں چڑھائیں اس موقع پر شہدا کے لواحقین اوران کے خاندان کے ساتھ وقت گذارا اس موقع پر اسسٹنٹ کمشنر عرفان مارٹن نے کہا کہ شہداکو سلام پیش کرتا ہوں جنہوں نے دفاع ِ وطن کی خاطر جرات و بہادری کا بے مثال مظاہرہ کرتے ہوئے اپنی جانوں کا نذرانہ پیش کیا اور شہداء کے خاندانوں کو بھی ان کے حوصلے اور صبر و استقامت پر خراج تحسین پیش کرتا ہوں‏قوم کو اپنے بہادر شہداء پر فخر ہےشہداء کی تکریم سے کوئی بھی انکاری نہیں ہر دن جب ہم آزاد فضا میں سانس لیتے ہیں یہ ہمارے شہیدوں کی قربانی کی مرعون منت ہے۔