نوشہرہ سون سکیسر(ملک زاہد فاروق اعوان سے)سیکرٹری /ڈائریکٹر جنرل پنجاب ایمرجنسی سروس ستارہ امتیاز ڈاکٹر رضوان نصیر کی ہدایات پر ریسکیو ڈیپارٹمنٹ خوشاب نے 4مئی بطور انٹرنیشنل فائر فائٹر ڈے منایا اس موقع پر ریسکیو آفس میں آگاہی تقریب کا انعقاد کیا گیا ڈسٹرکٹ آفیسر ریسکیو انجینئر حافظ عبدالرشیدنے بتایا کہ 4مئی کا دن ان عظیم فائر فائٹرز کی یاد میں منایا جاتا ہے جنہوں نے ہمارے جان ومال کے تحفظ کے لئے آگ سے لڑتے ہوئے اپنی جان قربان کر دی انہوں نے اس دن کی اہمیت پر روشنی ڈالتے ہوئے کہا کہ لوگ ہر عمارت میں ہنگامی انخلاء اورفائر سیفٹی آلات نصب کریں اس کے ساتھ تربیتی کورس میں حصہ لیں تاکہ آگ کے حادثات میں کمی اور آتشزدگی کی صورت میں نقصان کو کم سے کم کیا جا سکے انہوں نے مذید بتایا کہ پنجاب ایمرجنسی سروس نے گزشتہ سال آتشزدگی کے واقعات میں قیمتی جانوں کے ساتھ ساتھ کئی ملین کا مالی نقصان ہونے سے بھی بچایا عوام الناس میں آگاہی کے لئے سکول و کالج میں لیکچرز اور واک کا انعقاد بھی کیا گیا اس موقع پردوران فائر فائٹنگ شہید ہونے والے فائر فائٹرز کے درجات کی بلندی کیلئے دعا بھی کی گئی۔
208
