ریسکیو کنٹرول روم خوشاب کو ٹوٹل 1059 کالز موصول ہوئیں جن میں سے 265 ایمرجنسی کالز تھیں

نوشہرہ سون سکیسر(ملک زاہد فاروق اعوان سے)ڈسٹرکٹ آفیسر ریسکیو خوشاب انجینئر حافظ عبدالرشید نے بتایا کہ عیدالفطر کے موقع پر ریسکیو اہلکاروں نے تحصیل نوشہرہ وادی سون سمیت تحصیل قائدآباد،نورپور تھل کے ہمراہ خوشاب،جوہرآباد کی عید گاہوں اور وادی سون کے سیاحتی مقامات کنٹی باغ،چشمہ ڈیپ شریف،اوچھالی کھبیکی جھیل اور دریائے جہلم پر اپنے پیاروں سے دور رہ کر اپنی خدمات سر انجام دیں انجینئر حافظ عبدالرشید نے ضلع بھر میں عید الفطر کے ایام میں رونما ہونے والی ایمرجنسیز کے متعلق تفصیلات سے آگاہ کرتے ہوئے کہا کہ ریسکیو کنٹرول روم خوشاب کو ٹوٹل 1059 کالز موصول ہوئیں جن میں سے 265 ایمرجنسی کالز تھیں عید کے ایام میں 65 روڈ ٹریفک حادثات،162میڈیکل ایمرجنسیز،02آتشزدگی کے واقعات،09کرائم کے واقعات،18دیگر ایمرجنسیزڈیل کی گئیں دوران ایمرجنسی موقع پر 30 معمولی متاثرہ لوگوں کو فرسٹ ایڈ فراہم کی گئی جبکہ 233 زیادہ متاثرہ لوگوں کو فرسٹ ایڈ فراہم کرتے ہوئے ہسپتالوں میں منتقل کیا گیا پنجاب ایمرجنسی سروس نے رسپانس ٹائم کو برقرار رکھتے ہوئے 265 متاثرین کو ریسکیو کیا انہوں نے مزید کہا کہ پیشنٹ ریفرل سروس کے ذریعے سرکاری ہسپتال سے دوسرے سرکاری ہسپتالوں میں بہتر علاج کے لئے 42 مریضوں کو منتقل کیا گیا۔