ڈی پی اوخوشاب میڈم شائستہ ندیم کا پنجاب ایمرجنسی سروس ڈیپارٹمنٹ خوشاب آفس کا دورہ

نوشہرہ سون سکیسر(ملک زاہد فاروق اعوان سے) ڈسٹرکٹ پولیس آفیسرخوشاب میڈم شائستہ ندیم نے پنجاب ایمرجنسی سروس ڈیپارٹمنٹ خوشاب آفس کا دورہ کیا ڈسٹرکٹ آفیسر ریسکیوخوشاب انجینئر حافظ عبدالرشید نے ڈی پی اوخوشاب میڈم شائستہ ندیم کا استقبال کیا انجینئر حافظ عبدالرشید نے ڈی پی اوخوشاب میڈم شائستہ ندیم کو ایمبولینس سروس،ریسکیو موٹربائیک سروس، ایمرجنسی وہیکلز،ریسکیو آلات اورریسکیو کنٹرول روم میں ایمرجنسی کالز کی مانیٹرنگ کے حوالے سے تفصیلی بریفنگ دی اس موقع پرڈی پی اوخوشاب میڈم شائستہ ندیم نے اپنے خیالات کا اظہار کرتے ہوئے کہا کہ ریسکیو ڈیپارٹمنٹ جس لگن اور دلی جذبے سے سرشار ہو کر متاثرین کی بے لوث خدمت کر رہا ہے اس کی مثال نہیں ملتی انہوں نے ڈسٹرکٹ پولیس اور ریسکیو ڈیپارٹمنٹ کے باہمی تعاون کو جاری رکھنے کے عزم کا اعادہ بھی کیا۔